روس کے بحری جہاز سازی کے میجر نے برفانی سمندری علاقوں کے لیے مخصوص بحری جہازوں کے منصوبے سے آشنا کر دیا۔
روس کی ریاستی متحدہ جہاز سازی کارپوریشن نے کئی آرکٹک جہازوں کی تشکیل کے منصوبوں سے آگاہ کر دیا ہے جن کا مقصد سیاحوں کو سخت سرد اور برفانی بحری علاقوں میں سفر کی سہولیات مہیا کرنا ہے۔
کمپنی کے خیال میں مارکیٹ کی موجودہ صورتِحال کے پیشِ نظر ان آرکٹک جہازوں کی تیاری تمام ترجیحات میں سرِ فہرست ہے۔
متحدہ جہاز سازی کارپوریشن اس مقصد کے لیے ممکنہ ٹھیکے داروں کو مختلف قسم کے تفریحی بحری جہاز بشمول الماز ، ویمپل اور آئس برگ ماڈل جہازوں کی تیاری کی پیشکش کر سکتی ہے۔
کمپنی کے سی ای او الیکسی رخمانوف کے مطابق انفرادی طور پر 300 ملین امریکی ڈالر کی مالیت کے یہ جہاز ہیلی پیڈ اور فائیو سٹار کسینو سے مزین ہو سکتے ہیں ۔ کمپنی مالکان کے مطابق ان کسینو سے بھاری سرمایہ کاری حاصل ہو سکتی ہے۔ رخمانوف کے مطابق ان جہازوں پر 350 مسافروں کی گنجائش ہو گی جنکے لیے مختلف تفریحی مواقع بھی میسر ہونگے۔