یوکرین کی 8 سالہ ماڈل بچی کا 13 سالہ روسی لڑکے سے معاشقے کا اعلان: بچی کی والدہ کے معترض نہ ہونے کے بیان پر ملک بھر سے شدید ردعمل
یوکرین میں ایک آٹھ سالہ بچی کے 13 سالہ لڑکے سے معاشقے پر ملک بھر میں نئی بحث چھیڑ دی ہے، خصوصاً جبکہ اس تعلق سے لڑکی کی والدہ کو کوئی اعتراض نہیں ہے۔
میلانا ماخانیتس یوکرین کی ایک معروف سماجی میڈیا شخصیت ہے، جس کے 70 لاکھ سے زائد پیروکار ہیں۔ میلانا بچوں کے کپڑوں کے معروف مارکوں کے لیے ماڈلنگ کرتی ہے۔
https://www.instagram.com/p/CJvs4ygD4bH/?utm_source=ig_web_copy_link
میلانا کے سماجی میڈیا پر تمام کھاتے اسکی والدہ چلاتی ہیں، جہاں چند روز قبل انہوں نے اپنی 8 سالہ بچی کی ایک 13 سالہ ماسکو کے لڑکے پاشا پائی سے معاشقے کی خبر نشر کی۔
میلانا نے لکھا کہ پاشا اور وہ ایک جوڑا ہے۔ (پیغام کو اب تلف کر دیا گیا ہے)
واضح رہے کہ اگرچہ میلانا نے رشتے کا اعلان ابھی کیا ہے لیکن اس سے قبل بھی جوڑا سماجی میڈیا پر بوس وکنار اور ایک بستر پر سونے جیسی جنسی رحجان والی تصاویر نشر کر چکا ہے۔
...