مشرق وسطیٰ میں امریکی مندوب جیسن گرین بلاٹ کے مطابق ، اسرائیل کے انتخابات سے قبل امریکہ اپنا اسرائیل فلسطین امن منصوبہ جاری نہیں کرے گا۔
رائٹرز نے بتایا کہ اس اقدام کا مقصد ستمبر کے انتخابات میں مداخلت نہ کرنا تھا جس میں امریکی صدر ڈونلڈ ٹرمپ کے قریبی اتحادی وزیر اعظم بنیامین نیتن یاہو کی قیادت داؤ پر لگی ہے۔
گرین بلاٹ نے بدھ کے روز ایک ٹویٹ میں کہاکہ “ہم نے فیصلہ کیا ہے کہ اسرائیلی انتخابات سے قبل ہم امن ویژن جاری نہیں کریں گے۔” واضح رہے کہ اس سے پہلے صدر ڈونلڈ ٹرمپ نے پیر کو کہا تھا کہ اسرائیلی انتخابات سے قبل اس منصوبے کا انکشاف ہوسکتا ہے۔
سینئر مشیر جیرڈ کشنر سمیت ٹرمپ کی مشرق وسطی کی ٹیم ، موسم گرما کے دوران سیاسی منصوبہ بندی کرنا چاہتی تھی۔ تاہم ، اپریل کے انتخابات کے بعد نیتن یاھو کے حکومت سازی کا اتحاد کرنے میں ناکامی کے سبب تاخیر کا باعث بنی۔ نیتن یاہو کو اب 17 ستمبر کو تازہ انتخابات کا سامنا ہے