روس

روسی وزیر خارجہ سرگئی لاوروو نے اقوام متحدہ جنرل اسمبلی میں خطاب کرتے ہوئے مغربی ممالک کو آئینہ دکھا دیا۔ اعلیٰ روسی عہدے دار کا کہنا تھا کہ مغربی اشرافیہ روس اور اس کی قیادت کو لے کر بالکل خبطی ہو چکی ہے، یہاں تک کہ انہوں نے خود اور اپنی اقوام کو بھی خطرے میں ڈال دیا ہے۔ مغرب کا حالیہ ایجنڈا صرف روس کو تذویراتی شکست دینا ہے۔ مغربی اتحادی اس خبط میں مکمل طور پر اندھے ہو چکے ہیں اور عالمی حقیقت اور خطرات کو بالکل نہیں دیکھ پا رہے، صورتحال ان کی بقاء تک کوخطرے میں ڈال دے گی۔ روسی وزیر خارجہ نے نیٹو کی جنگی مشقوں کا ذکر کرتے ہوئے کہا کہ ان مشقوں میں روس پر جوہری جنگ کی مشق بھی کی گئی، ایسا سرد جنگ کے بعد پہلی بار ہوا اور یہ دنیا کے لیے توجہ کا متقاضی ہے۔ انہوں نے اقوام عالم سے مخاطب ہوتے ہوئے کہا کہ مغربی اقوام بین الاقوامی برابری کے اصول کو مکمل طور پر بھول گئی ہیں۔ اور یہی رویہ...

روسی صدر ولادیمیر پوتن نے دھمکی دی ہے کہ اگر روس پر عائد زرعی اجناس کی برآمدات پر پابندیاں نہ اٹھائی گئیں تو وہ بحیرہ اسود گندم معاہدے سے نکل جائیں گا۔ روسی شہر سوچی میں اپنے ہم منصب ترک صدر رجب طیب ایردوعان سے ملاقات کے بعد صدر پوتن کا کہنا تھا کہ روس صرف اس صورت میں یوکرینی گندم کی برآمدات کے معاہدے کی پاسداری کرے گا اگر مغرب بھی اپنی شرائط پوری کرے۔ صدر پوتن کا کہنا تھا کہ یوکرین اس تجارتی راہداری کو ہتھیاروں کی فراہمی اور دہشت گردی کے حملوں کے لیے استعمال کر رہا ہے۔ راہداری دنیا کو غذائی قلت سے بچانے کے لیے کیا گیا تھا لیکن درحقیقت گندم کی ترسیل بھی غیر منصفانہ کی گئی اور افریقہ کو صرف 6 بحری جہاز گندم بھیجے گئے۔ یہ تمام نکات معاہدے کی خلاف ورزی ہیں۔ معاہدے میں درج ہے کہ 70 فیصد گندم غریب ممالک کو برآمد کی جائے گی جبکہ حقیقت میں 70 فیصد اخراجات یورپ اور دیگر امیر ممالک کو کی گئی...

چیچنیا کے صدر رمضان قادروو نے امریکہ کو دھمکی دی ہے کہ اگر اس کی والدہ ایمانی قادرووا پر سے سفرہ پابندیاں نہ ہٹائی گئیں تو اسے سخت ردعمل بھگتنا ہو گا۔ 24 آگست کو یوکرین کے یوم آزادی کے موقع پر امریکہ نے صدر رمضان کی والدہ سمیت بیشتر روسی شخصیتوں پر سفری و مالی پابندیاں عائد کی تھیں جس پر صدر رمضان کی جانب سے پہلا ردعمل سامنے آیا ہے۔ امریکہ کا مؤقف ہے کہ ایمانی صاحبہ یوکرینی بچوں کو خصوصی سیاسی تعلیم دینے والی تنظیم احمد قادروو کی سربراہ ہیں۔ رمضان قادروو کا کہنا ہے کہ دنیا جانتی ہے ان کی والدہ امددی سرگرمیوں میں شامل ایک سماجی خاتون ہیں اور ان کا کسی غیر انسانی معاملے سے کوئی تعلق نہیں۔ان کا کہنا تھا کہ ان کی والدہ کو صرف اس لیے سزا دی جا رہی ہے کیونکہ وہ ان کی والدہ ہیں۔ امریکی انتظامیہ تمام اخلاقی اقدار بھول چکی ہے۔ ان پابندیوں کا ان کی ذات کو کوئی نقصان نہیں، اس سے صرف امریکی ان...

روسی صدر ولادیمیر پوتن کے ترجمان دیمتری پسکوف نے مغربی میڈیا کے ذریعے پھیلائی ایسی تمام افواہوں کی تردید کی ہے جن میں روسی حکومت کے طیارہ حادثے میں ملوث ہونے کا الزام لگایا جا رہا تھا۔ گزشتہ جمعے کے روز روس میں ہوئے ایک طیارہ حادثے میں نجی سکیورٹی کمپنی ویگنر کے سربراہ ایوگنی پریگوزئن سمیت 10 افراد ہلاک ہو گئے تھے۔ جس پر مغربی ذرائع ابلاغ میں بلا ثبوت و تحقیقات کے افواہیں پھیلائی جانے لگیں کہ اس طیارہ حادثے میں روسی حکومت ملوث ہے۔ اپنے وضاحتی بیان میں ترجمان کریملن کا کہنا تھا کہ طیارہ حادثے سے متعلق مغربی میڈیا کے ذریعے پھیلایا گیا بیانیہ جھوٹ کا پلندہ ہے۔ میڈیا کو جھوٹے پراپیگنڈے سے گریز کرنا چاہیے اور صرف حقائق پر مبنی صحافت کرنی چاہیے۔ انہوں نے حادثے کی تفصیلی تحقیقات دنیا کے سامنے لانے کے عزم کا اظہار بھی کیا۔ ان کا مزید کہنا تھا کہ تاحال ایسی کوئی نتیجہ خیز معلومات سامنے نہیں آ...

ترکی میں جائیداد کی خریداری میں روسی ساری دنیا کو پیچھے چھوڑ گئے۔ ترکی کے محکمہ برائے شماریات کی جانب سے جاری اعدادوشمار کے مطابق جولائی کہ مہینے میں ترکی میں غیر ملکیوں کی جانب سے جائیداد کی خریداری میں روسی اول نمبر پر رہے۔ محکمہ شماریات کے مطابق جولائی کے مہینے میں ترکی میں 1 لاکھ 9 ہزار گھر (فلیٹ) بیچے گئے، جو گزشتہ سال اسی ماہ کی نسبت 16.7 فیصد زیادہ تھے۔ اس میں سے 2801 گھروں کی خریداری یا سرمایہ کاری غیر ملکیوں نے کی۔ اس میں سے 772 گھر روسی شہریوں نے خریدے۔ اس دوڑ میں ایرانی دوسرے، جنہوں نے 272، اور عراقی تیسرے نمبر پر رہے جنہوں نے 204 گھر خریدے۔ غیر ملکیوں کی جانب سے انطالیہ، استنبول اور میرسن کے علاقوں میں سب سے زیادہ گھر خریدے گئے۔ ماہرین کے مطابق ممکنہ طور پر روسیوں کی جانب سے ترکی میں گھروں کی خریداری میں دلچسپی اور رحجان کی بڑی وجہ روسی شہریوں پر مغربی ممالک میں پابندی...

روس کے مسلمان اکثریتی صوبے چیچنیا کے صدر رمضان قادروو نے یورپی ممالک میں قرآن اور اسلامی اقدار کی توہین و بےحرمتی پر سخت ردعمل دیا ہے۔ اس حوالے سے انہوں نے مسلمان رہنماؤں کو بھی آرے ہاتھوں لیا اور انہیں بےحرمتی روکنے میں ناکام قرار دیا ہے۔ انہوں نے مزید کہا کہ وہ یوکرین تنازعے کے خاتمے کے بعد اس جسارت کو کرنے والوں کو سبق سکھائیں گے۔ ٹیلیگرام پر جاری اپنے بیان میں مسلمان رہنما کا کہنا تھا کہ یورپ میں قرآن پاک کی بےحرمتی کے تسلسل سے واقعات مسلمانوں کے لیے ایک بڑا چیلنج ہیں اور بظاہر لگتا ہے کہ ان کا مقصد تہذیبی کشیدگی کو ناقابل واپسی موڑ تک پہنچانا ہے۔ انہوں نے کہا کہ وہ حیران ہیں کہ بڑے بڑے مسلمان ممالک کے قائدین کہاں چھپے بیٹھے ہیں اور ان کی طرف سے ٹھوس اقدامات کیوں سامنے نہیں آرہے؟ بےحرمتی کے واقعات کو کیوں روکا نہیں جا رہا؟کیا امریکہ اور مغربی ممالک کی معاشی پابندیاں اللہ کے حدو...

چین اور روسی بحریہ کی بحیرہ جاپان میں مشترکہ عسکری مشقیں جاری ہیں۔ https://www.youtube.com/watch?v=VML_ZKM9Nho&pp=ygUZY2hpbmEgcnVzc2lhIG5hdmFsIGRyaWxscw%3D%3D https://www.youtube.com/watch?v=CIax1Z_KTVw&pp=ygUZY2hpbmEgcnVzc2lhIG5hdmFsIGRyaWxscw%3D%3D https://www.youtube.com/watch?v=OUdTfjhb568&pp=ygUZY2hpbmEgcnVzc2lhIG5hdmFsIGRyaWxscw%3D%3D

روسی صدر ولادیمیر پوتن کا کہنا ہے کہ روسی معیشت پہلے کی نسبت زیادہ آزاد اور خود مختار ہے اور مغربی ممالک کی جانب سے عائد پابندیوں کا اس پر کوئی خاص اثر نہیں ہوا۔ ہوائی صنعت کے انجینئروں سے خطاب میں روسی صدر کا مزید کہنا تھا کہ آزاد تجارتی معاہدوں کا ہی نتیجہ ہے کہ روسی معیشت سخت پابندیوں کو بھی سہہ پائی اور ملک آج بھی اپنے پیروں پر کھڑا ہے، وگرنہ مغربی ممالک معیشت کو گرانا چاہتے تھے اور روس کی جانب سے ایک متوازی دنیا کے خواب کو توڑنا چاہتے تھے۔ صدر پوتن کا مزید کہنا تھا کہ امریکی گمان تھا کہ روسی معیشت پابندیوں کے بعد زیادہ سے زیادہ ۳ ہفتے یا ۱ ماہ چل پائے گی لیکن روس آج بھی اپنے پیروں پر کھڑا ہے۔ دشمن کا منصوبہ تھا کہ عالمی مالیاتی نظام سے روس کو نکال کر اور بین الاقوامی کمپنیوں پر دباؤ کے ذریعے انکا پیسہ نکالنے سے وہ روس میں لاکھوں لوگوں کو بے روزگار کرکے مظاہروں کو ہوا دیں گے، ...

روس ایک ایسی دنیا کے لیے تگ و دو کر رہا ہے جہاں کسی ایک ملک کی اجارہ داری نہ ہو بلکہ ایک سے زیادہ ممالک و خطے دنیا کے نظام کو عدل و انصاف سے چلا سکیں۔ یہ کہنا تھا روسی صدر ولادیمیر پوتن کا روسیا 1 کو دیے گئے ایک انٹرویو میں۔ انہوں نے امریکہ پر دنیا کو اپنی خواہشات کا مظہر بنانے کا ایجنڈا چلانے والا ملک بھی قرار دیا۔ صدر پوتن کا کہنا تھا کہ امریکہ کی پالتو ریاستیں امریکہ کے اس رویے سے بخوبی آگاہ ہیں، تاہم وہ یا تو معاشی گھیرے یا پھر دفاعی اور دیگر مجبوریوں کے باعث آنکھیں بند کیے بیٹھے ہیں۔ روسی رہنما کا کہنا تھا کہ روس کے مقاصد کو جانتے بوجھتے وہ خاموش ہیں کیونکہ انہیں امریکی خوف ہے کہ روس کی حمایت میں ان کا حقہ پانی بند ہو سکتا ہے۔ معروف کمپنی کانبیرا کی جانب سے فرانس کے ساتھ ہوئے آبدوزوں کے معاہدے کو ختم کرکے امریکہ کے ساتھ کرنے کے واقعے کو مثال بناتے ہوئے صدر پوتن کا کہنا ت...

روسی صدر ولادیمیر پوتن نے چین کے ساتھ باہمی تعلقات میں مزید بہتری کے لیے زور دیتے ہوئے کہا ہے کہ عالمی سیاست کے لیے یہ ناگزیر ہیں۔ ماسکو میں چینی سفیر سے ملاقات میں ان کا کہنا تھا کہ چین کے ساتھ تعلقات بالکل درست نہج پر ہیں، اور سب ان کی امیدوں اور منصوبہ بندی کے تحت ہو رہا ہے، دونوں ممالک اس پر مطمئن اور مستقبل میں مزید کامیابیوں کے لیے پر امید ہیں۔ روسی صدر کا کہنا تھا کہ تین دہائیاں قبل دنیا میں طاقت کا توازن بگڑنے کے باعث عالمی امن خطرے میں پڑ گیا تھا، اور صورتحال گزرتے وقت کے ساتھ بدتر ہوتی جا رہی ہے۔ ایسے میں چین اور روس کا تعاون ناگزیر ہے، اور اس میں پہلے سے بھی زیادہ بڑھوتری کی ضرورت ہے۔ صدر پوتن کا کہنا تھا کہ عالمی امن کو یقینی اور مستحکم بنانے کے لیے دونوں ہمسایہ ممالک کو ساتھ لازم و ملزوم ہے۔ ملاقات میں صدر پوتن نے تجویز رکھی کہ دونوں ممالک بین الاقوامی فورموں پر بھی ایک...