تہران کےایک وزیر نے ایرانی سیٹلائٹ کے معجزانہ طور پر سائٹ پر ہونے والے ایک بڑے دھماکے سے بچ جانے کی صحیح و سالم ڈیوائس کی تصویر دکھاتے ہوئے ، امریکی صدر کو ایک ٹویٹ میں طنز کیا۔
“میں اور ناہید۔1 ابھی اس وقت۔گڈ مارننگ ڈونلڈ ٹرمپ! “
وزیر مواصلات محمد جواد آذری جوہرومی نے ایک ایسی تصویر اپ لوڈ کی جس میں اسے ناہید۔1 کے ساتھ دکھایا گیا تھا۔ یہ شمسی توانائی سے چلنے والی مواصلاتی سیٹیلائٹ ہے جسے اس جمعرات کو خلا میں لے جانے کی کوشش کی گئی تھی۔
لیکن مشن شروع ہونے سے پہلے ہی ناکام ہوگیا ، کیونکہ سفیر۔1 بی راکٹ مبینہ طور پر لانچ پیڈ پر ہی پھٹ گیاتھا۔ بین الاقوامی میڈیا کے ذریعہ شائع ہونے والی کمرشل سیٹلائٹ امیجری میں بھی دھماکے کی نشاندہی کی گئی تھی ، جس میں لانچ سائٹ سے سیاہ دھوئیں کا ایک بڑا مرغولہ اڑتا ہوا دکھایا گیا ہے۔
واضح رہے کہ وزیر کا ٹویٹ بظاہر امریکی صدر ڈونلڈ ٹرمپ کے اس تبصرے کے ردعمل میں تھا ، جس میں ٹرمپ نے اس حادثے میں امریکی مداخلت کو مسترد کرتے ہوئے کہا ہے کہ وہ تہران کے لیے “اس بات کا تعین کرنے میں کہ سائٹ ون پر کیا ہوا ہے۔” نیک خواہشات رکھتے ہیں