داعش کے سربراہ ابو بکرالبغدادی کی بہن حلب سے گرفتار

برطانوی نشریاتی ادارے بی بی سی کے مطابق ابوبکر البغدادی کی بہن 65 سالہ رسمیہ اواد کو پیر کی رات کی جانے والی کارروائی میں شام کے شہر حلب سے گرفتار کیا گیا جو گزشتہ ماہ کی کارروائی کے بعد اب ترکی کے زیر کنٹرول ہے ۔

غیر ملکی خبر رساں ادارے رائٹرز سے گفتگو میں ایک ترک عہدیدار نے بتایا کہ ابوبکر البغدادی کی بڑی بہن کی گرفتاری داعش کے کام کرنے کے طریقہ کار کو سمجھنے میں مددگار ثابت ہوسکتی ہے۔

ایک اور ترک عہدیدارکے مطابق بغدادی کی بہن کو ایک ٹرالر سے پکڑا گیا جہاں وہ اپنے شوہر اور بچوں کے ساتھ رہائش پذیر تھی۔ سمیہ اواد سے داعش سے متعلق تحیققات کی جارہی ہیں۔

برطانوی ادارے نے نیویارک ٹائمز کے حوالے سے بتایا کہ ابوبکرالبغدادی کے کئی بہن بھائی ہیں تاہم یہ بات واضح نہیں کہ ان میں سےاب بھی کوئی حیات ہے یا نہیں۔

واضح رہےکہ گزشتہ ماہ شام کے شمال مغرب میں امریکی اسپیشل فورسز کے آپریشن کے دوران ابو بکرالبغدادی نے خودکش دھماکے سے خود کو ہلاک کر لیاتھا اورامریکی صدر ٹرمپ نے 27 اکتوبر کو وائٹ ہاؤس میں ایک پریس کانفرنس کے دوران ابوبکر البغدادی کی ہلاکت کا اعلان کیا تھا۔

Care to Share?

Leave a Reply

Your email address will not be published. Required fields are marked *

1 × five =