جرمن وزیر خارجہ ہیکو ماس نے کہا کہ کسی بھی قسم کی فوجی محاذ آرائی سے کسی کوکوئی فائدہ نہیں ہوگا بلکہ سب کا سراسر نقصان ہوگا کیونکہ یہ فوجی تصادم قابو سے باہر بھی ہو سکتا ہے۔ انہوں نے ایرانی رہنماؤں پر زور دیا کہ صورتحال کو کشیدہ ہونے سے روکیں اور اپنی ذمہ داریاں ادا کریں۔ جرمن وزیر خارجہ نے مزیدکہا کہ یورپی یونین کی کوشش ہے کہ مسئلے کو سمجھداری اور عقل مندی کے ساتھ سفارتی طور پر حل کیا جائے۔
یاد رہے برطانوی بحریہ کے ہاتھوں جبرالٹر میں ایرانی آئل تٹینکر کےروکے جانے کے واقعے کے بعد ایران نے آبنائے ہرمز میں برطانیہ کے 2 بحری جہازوں کو قبضے میں لے لیا تھا جن میں سے ایک کو کچھ دیر میں چھوڑ دیا گیا اور دوسرے پر بدستور قبضہ برقرار ہے۔