سِکم میں چین اور بھارت کی فوجوں میں جھڑپ ۔ چین کے کئی فوجی زخمی

اکھنڈ بھارت اور جنوبی ایشیا میں اجارہ داری کا خواب دیکھنے والا بھارت خطے کا امن تباہ کرنے پر تل گیا۔ سکم کی متنازع سرحد پرتعینات بھارتی فوجیوں کی چین کے سرحدی محافظوں کے ساتھ جھڑپ میں سات چینی فوجی زخمی ہو گئے۔

تفصیلات کے مطابق سِکم کی متنازع سرحد کے نزدیک ناكولا علاقے پر تعینات درجنوں بھارتی فوجیوں نے جارحانہ انداز اختیار کرتے ہوئے چین کے سرحدی محافظوں پر دھاوا بول دیا، جس کے نتیجے میں 7 چینی فوجیوں کے زخمی ہونے کی اطلاعات ہیں۔ جبکہ چینی فوجیوں نےاس اشتعال انگیزی کا جواب دفاعی انداز میں دیا اورکسی بھی قسم کے جارحانہ اقدامات سے گریز کیا، جس کے باعث سرحدی معاملات خراب کرنے کی بھارتی کوشش کامیاب نہ ہوسکی۔

میڈیا رپورٹس کے مطابق سرحدی جھگڑے میں دونوں اطراف کے کم و بیش 150 فوجی موجود تھے۔ مقامی سطح پر سینئر فوجی افسران کے درمیان بات چیت کے بعد حالات معمول پر آ گئے ۔ذرائع نے کہا کہ سر حد کا تعین نہ ہونے کی وجہ سے چین کی سرحد سے متصل اس علاقے میں اس طرح کی اکا دکا جھڑپیں ہو تی رہتی ہیں ۔ ان مسائل کو مقررہ پروٹوکول کے ذریعے حل کر لیا جاتا ہے ۔ تاہم ذرائع نے کہا کہ اس مرتبہ اس طرح کا واقعہ کافی عرصہ بعد پیش آیا ہے ۔

واضح رہے کہ پاکستان کے ساتھ بھی بھارت کی امن دشمن مودی حکومت کے جارحانہ عزائم میں روز بروز اضافہ ہونےلگا ہے اور بھارتی افواج لائن آف کنٹرول پر وقتاً فوقتاً گولہ باری کر کے پاکستان کے سرحدی علاقوں کے عوام کو موت کے گھاٹ اتارتی رہتی ہے۔

Care to Share?

Leave a Reply

Your email address will not be published. Required fields are marked *

sixteen − twelve =