بدھ, اکتوبر 21 Live
Shadow

خطبہ حج اردو سمیت دس زبانوں میں نشرکرنے کا اعلان

سعودی حکومت نے خطبۂ حج کا ترجمہ اردو سمیت دس زبانوں میں نشر کرنے کا فیصلہ کیا ہے۔ العربیہ ڈاٹ نیٹ کے مطابق الحرمین الشریفین کے امورکی ذمہ دار الشیخ عبدالرحمن السدیس نے حج امور پر ذرائع ابلاغ سے خصوصی گفتگو میں کہا ہے کہ اب سے خطبہ حج دنیا کی دس بڑی زبانوں میں نشر کیا جائے کرے گا۔ جس میں اردو بھی شامل ہے۔ اس سے قبل یہ پانچ زبانوں میں نشر کیا جاتا تھا۔ امام کعبہ شیخ السدیس نے کہا اسلام کا پیغام پوری دنیا میں موجود مسلمانوں تک پہنچانے کے لیے خطبۂ حج دس عالمی زبانوں میں نشر ہوگا۔جس میں اردو، انگریزی، فارسی، بنگلا، ترکی، فرانسیسی، چینی، روسی، ہاؤسا اور مالے زبان شامل ہیں۔

واضح رہے کہ اس برس عالمی وباء کے باعث حج کو محدود پیمانے پر کرنے کا انتظام کیا گیا ہے۔ اور صرف 10 ہزار عزام کرام حج بیت اللہ کی سعادت حاصل کر سکیں گے۔ جن کا انتخاب قرعہ اندازی کے تحت کیا گیا ہے۔ ان میں سعودی عرب میں مقیم غیرملکی تارکینِ وطن کی تعداد 70 فی صد ہے جبکہ مقامی افراد کی تعداد 30 فی صد ہے۔ گزشتہ برس 25 لاکھ سے زیادہ فرزندانِ توحید نے فریضۂ حج ادا کیا تھا۔

منتخب عازمین کے پہلے گروپ کو ہفتے کے روز مکہ مکرمہ پہنچا دیا گیا ہے۔وہ ایامِ حج کے آغاز سے قبل ایک ہوٹل میں الگ الگ کمروں میں مقیم رہیں گے۔

دوست و احباب کو تجویز کریں

تبصرہ کریں