ایرانی بحریہ میں 150 میٹر لمبے طیارہ بردار بحری جہاز کا اضافہ
ایرانی بحریہ میں نئے جنگی جہاز کا اضافہ ہوا ہے۔ ترجمان پاسدران انقلاب کے مطابق بحری جہاز پر ڈرون، ہیلی کاپٹر، میزائل، اور لڑاکا جہاز بھی کھڑا ہو سکتا ہے۔ شاہد رودکی نامی بحری جہاز 150 میٹر لمبا ہے۔
https://twitter.com/imp_navigator/status/1329420337394692098?s=20
بحری جہاز کو پاسدران انقلاب کے حوالے کیا گیا ہے۔ اس سے قبل پاسدران انقلاب کے پاس چھوٹی کشتیاں تھیں، جو آبنائے ہرمز پر عالمی تجارتی رستوں کی نگرانی کرتی ہیں۔
مبصرین کے مطابق ایرانی فوج میں نئے جنگی جہاز کا اضافہ اور اسکا وقت اہم ہے۔ چند روز قبل امریکی میڈیا میں ایرانی ایٹمی پروگرام پر حملے کی چہ مگوئیاں تھیں اور آج ایران نے اپنی بحریہ میں نئے جہاز کے اضافے کا اعلان کر دیا ہے۔
واضح رہے کہ عالمی ایٹمی ایندھن ایجنسی کی نئی رپورٹ کے مطابق ایران نے ایک زیر زمین پلانٹ میں ایٹمی تابکاری کا آغاز کر دیا ہے۔
...