Tag: بحیرہ جنوبی چین، بحری جہاز، چینی مطالبہ، مجھے مار دو، رودریگو دوتارت، فلپینی صدر، عالمی ثالثی عدالت، امریکی ایماء، میڈیا پر تنقید،

فلپائن اور چین میں  بحیرہ جنوبی چین کی سمندری حدود پر اختلاف بڑھ گئے ہیں۔ فلپائن کے صدر نے اس عزم کا اظہار کیا ہے کہ وہ چین کے ساتھ متنازعہ سرحدی پانیوں سے اپنے ملک کے بحری جہاز واپس نہیں بلائیں گے جس کے باعث دونوں ممالک کے مابین ایک طویل عرصے سے جاری تنازعہ مزید بڑھ گیا ہے۔ ٹیلی ویژن سے خطاب کرتے ہوئے صدر رودریگو نے کہا کہ وہ چینی مطالبات پر عمل نہیں کریں گے اور بحیرہ جنوبی چین میں جزیروں کی خودمختاری کے لیے زور دیتے رہیں گے۔ "ہمارا ہمیشہ سے یہ مؤقف رہا ہے اور میں اسے یہاں اب ایک بار پھر بیان کرنا چاہتا ہوں کہ ہمارے بحری جہاز ایک انچ بھی پیچھے نہیں ہٹیں گے۔" رودریگو نے مزید کہا کہ "میں پیچھے نہیں ہٹوں گا۔ چاہے آپ مجھے مار دیں۔ ہماری چین سے دوستی یہاں ختم سمجھو۔" اپریل میں چین نے فلپائن سے مطالبہ کیا تھا کہ وہ اپنے جہازوں کو متنازعہ پانیوں سے ہٹائے اور بحیرہ جنوبی چین میں کشیدگی...