تاتارستان: 19 سالہ نوجوان نے اسکول پر حملہ کر دیا، 9 طلباء ہلاک، 16 زخمی
تاتارستان کے دارالحکومت کازان میں منگل کی صبح ایک اسکول میں فائرنگ کے نتیجے میں کم از کم نو طباء و طالبات ہلاک اور 16 زخمی ہوگئے ہیں۔ پولیس نے 19 سالہ مبینہ مجرم کو زندہ گرفتار کرلیا ہے۔ تاتارستان کے صدر رستم منیخانوف نے ایک بیان میں کہا ہے کہ "ہم نے آٹھویں جماعت کے سات بچے جن میں چار لڑکے اور تین لڑکیاں شامل ہیں، کھو دیے ہیں۔ ان کی موت اسکول کی تیسری منزل پر ہوئی تھی، زخمی 16 طلباء اسپتال میں زیر علاج ہیں۔" مرنے والوں میں ایک استاد بھی شامل ہے، بعد ازاں ایک اور موت کی تصدیق ہوئی اور مرنے والوں کی تعداد نو ہوگئی۔
منیخانوف نے مزید کہا، "دہشت گرد کو گرفتار کر لیا گیا ہے۔ وہ 19 سال کا ہے۔ کسی اور ساتھی کی شناخت نہیں ہو سکی ہے۔"
طلباء اور اساتذہ کو اسکول کی عمارت سے محفوظ مقامات کی طرف نکالا گیا ہے۔ عینی شاہدین کے مطابق وسطی روس شہر کے اسکول نمبر 175 میں ا چانک گولیاں اور دھماکے ک...