چین نے ملک میں 7 لاکھ سے بھی زائد 5جی انٹینے نصب کر کے دنیا کو مجموعی طور پر دوڑ میں پیچھے چھوڑ دیا: پہلے تین ممالک میں 2 ایشیائی ممالک – مغربی ماہرین کا پیچھے رہ جانے پر تحفظات کا اظہار
چین نے 5جی ٹیکنالوجی کے استعمال میں دنیا کو پیچھے چھوڑ دیا ہے۔ بیجنگ کی جاری کردی نئی رپورٹ کے مطابق چین نے اب تک ملک میں 7 لاکھ سے زائد 5جی ٹیکنالوجی کے انٹینا لگا دیے ہیں، جو دنیا بھر میں 5جی کے مجموعی انٹینوں سے بھی زیادہ ہیں۔ رپورٹ کے مطابق سال کے آخر تک ان میں مزید اضافہ ہو جائے گا۔
چینی وزارت اطلاعات اور صنعت کی رپورٹ کے مطابق چین میں نصب 5جی کے انٹینےدنیا میں مجموعی طور پر نصب جدید انٹینوں سے دوگنا سے بھی زیادہ ہیں، اگرچہ رپورٹ میں چین نے دنیا بھر میں نصب کیے 5جی انٹینوں کی تعداد نہیں بتائی تاہم ملک میں نصب انٹینوں کو دو گنا سے زائد بتایا ہے۔
رپورٹ کے مطابق چین میں اب تک 18 کروڑ موبائل 5جی سے منسلک ہو چکے ہیں، اور اس میں یومیہ لاکھوں کا اضافہ ہو رہا ہے، جبکہ مزید سرمایہ کاری سے رواں سال کے آخر تک چین کی 3 بڑی ٹیکنالوجی کمپنیاں ملک میں 5جی کی خدمات کو چارگنا کرنے کا ارادہ رکھت...