واشنگٹن میں آزادی مذہب کی کانفرنس سے خطاب کرتے ہوئے مائیک پومپیو کہنا تھا کہ چین ہمارے عہد کے انسانی حقوق کے بحرانوں کی بدترین مثال ہے اور یہ صورتحال صدی کا ایک بدنما داغ ہے۔
نائب صدر مائیک پینس نے بھی کانفرنس سے خطاب کیا اور کہا کہ امریکا کی جانب سے چین کے ساتھ تجارتی مذاکرات کے باعث امریکہ مشرقی ایشیائی ملک میں مذہبی آزادی کے سوال سے پیچھے نہیں ہٹے گا۔ انہوں نے سعودی عرب پربھی نکتہ چینی کرتے ہوئے زور دیا کہ قید بلاگر رائف بدوی کو رہا کیا جائےجنھیں مذہب کی توہین کے الزام پر 10 سال قید کی سزا دی گئی ہے۔
پینس نے اس عزم کا بھی اظہار کیا کہ امریکہ شمالی کوریا میں مذہبی آزادی پر زور دے گا خصوصاًایسی صورت حال میں جب کہ ملک کے جوہری ہتھیاروں کو تلف کرنے کی کوششیں جاری ہیں۔