برسلزڈس انفارمیشن ٹاسک فورس نے بھارتی مفادات کے لیے سوشل میڈیا پر سرگرم 265 جعلی پلیٹ فارمز کی موجودگی کا انکشاف کیا ہے۔رپورٹ کے مطابق ان پلیٹ فارمز کے ذریعے پاکستان کے بارے میں منفی رپورٹس جاری کی جاتی تھیں۔ یورپی یونین کے لیے کام کرنے والی ڈس انفارمیشن ٹاسک فورس نے برسلز سے آن لائن رپورٹ جاری کر دی۔رپورٹ میں کہا گیا ہے کہ سوشل میڈیا پر موجود یہ جعلی آؤٹ لیٹس 65 ملکوں میں کام کررہے تھے ۔
رپورٹ میں مزید کہا گیا ہے کہ یہ ویب پورٹل شمالی امریکہ، یورپ اور ایشیا کے اہم ممالک سمیت 60 سے زیادہ ممالک سے چلائی جا رہی ہیں۔ عالمی خبروں کے ساتھ ساتھ ان ویب سائٹس پر تنازع کشمیر کے حوالے سے پاکستان مخالف پروپیگنڈا کیا جارہا ہے۔
اس ویب سائٹ پر غیر متوقع طور پاکستان میں اقلیتوں کے حوالے سے خبروں، کالمز اور بھارت سے متعلقہ امور پر مضامین بھی بڑی تعداد میں آن لائن شائع کیے جاتے ہیں
واضح رہےکہ گزشتہ ماہ کے آغاز میں یورپی یونین کے ڈپلومیٹک اور فارن سروس معاملات کو دیکھنے والے ادارے یورپین ایکسٹرنل ایکشن سروس نے بتایا تھا کہ ‘ای پی ٹوڈے ڈاٹ کام’ نامی ایک ویب سائٹ بڑے پیمانے پر امریکی اور روسی ویب سائٹس میں شائع ہونے والی خبروں کو دوبارہ شائع کرنے کے ساتھ ساتھ پاکستان اورمسلم مخالف پروپیگنڈا پھیلایا جاتا ہے
۔