روس نے ہندوستان اور چین کے ساتھ تجارت میں امریکی ڈالر کا حصہ تقریبا آدھا کردیا ہے اور یورپی یونین کے ساتھ معاہدوں میں گرین بیک کا استعمال کم کرنے کے ساتھ ساتھ معیشت کوڈالرسے چھٹکارادلانے کے اپنے عہد پر بھی قائم ہے۔
یہ پہلا موقع ہے جب ڈالر اپنے اہم تجارتی شراکت داروں کے ساتھ روس کی برآمدی تجارت میں نمایاں پوزیشن کھو بیٹھا ہے۔ 2019 کی پہلی سہ ماہی کے اختتام تک ، بھارت کو روسی برآمدات کا 75 فیصد سے زیادہ روبل میں ادا کیا گیا۔ پچھلے سال کی اسی مدت کے مقابلے میں مقامی کرنسی کی تجارت میں تقریباچار گنا اضافہ ہوا ہے اور 2018 کے اختتام کے بعد سےاس میں دگنا اضافہ ہوا ہے۔
چین کے ساتھ لین دین میں ، روبل اور یورو نےڈالر کو پیچھے چھوڑ دیا۔ اس طرح ، گذشتہ سال کے پہلے تین مہینوں میں یورو میں لین دین کی شرح 0.7 فیصد سے بڑھ کر موجودہ 37.6 فیصد ہوگئی جب کہ روبلز کا حصہ تقریباً تین فیصد اضافے سے 9.6 فیصد پر آگیا۔ دریں اثنا گرین بیک کا حصہ 87 فیصد سے کم ہوکر 45.7 فیصد رہ گیا۔