پیپلز بینک آف چائنا نے منگل کے روز خبردار کیا کہ امریکہ کی جانب سے بیجنگ کو’کرنسی میں ہیرا پھیری‘کرنے والا نامزد کرنے کے امریکی فیصلے سے بین الاقوامی قوانین کوسخت نقصان پہنچنے کا اندیشہ ہے اور اس کے عالمی منڈیوں پر دور رس اثرات مرتب ہوں گے۔
چینی مرکزی بینک نے زینہوا کے حوالے سے ایک بیان میں کہا ، “اس سے نہ صرف بین الاقوامی مالیاتی نظم کوشدید نقصان پہنچے گا بلکہ مالیاتی منڈی میں بھی افراتفری پھیل جائے گی۔”
امریکی اسٹاک میں ایک سال میں سب سے بڑی کمی دیکھنے کے بعد ، پیر کو ، واشنگٹن نے چین پر یوآن کی قدر میں کمی کا الزام لگا کر بیجنگ کے ساتھ تجارتی جنگ کومزید بھڑکایا۔