بی بی سی کے مطابق اقوام متحدہ کی لیک ہونے والی ایک خفیہ رپورٹ میں بتایا گیا ہے کہ شمالی کوریا نے بینکوں اور کرپٹو کرنسی ایکسچینجز پرمنظم سائبر حملے کیے۔
میڈیا رپورٹس کے مطابق اقوام متحدہ اس حوالے سے 35 سائبر حملوں اورغیر ملکی کرنسی حاصل کرنے کے لیے ڈیزائن کیے گئے سائبر نظام پر تفتیش کررہا ہے۔
اقوام متحدہ کی رپورٹ میں کہا گیا ہےکہ شمالی کوریا نے کرپٹو کرنسی ایکسچینجز پر حملوں سےکس طرح رقم حاصل کی اس بات کا سراغ لگانا انتہائی مشکل ہے۔
رپورٹ میں مزید کہا گیا ہےکہ شمالی کوریا نے ہتھیاروں سے متعلق سامان حاصل کرکےاقوام متحدہ کی پابندیوں کی خلاف ورزی کی ہے۔ یاد رہے کہ اقوام متحدہ کی سلامتی کونسل نے 2006 سے شمالی کوریا پر کوئلے، آئرن، ٹیکسٹائل اور سی فوڈ کی برآمدات پر پابندیاں عائد کررکھی ہیں