بی بی سی کےمطابق شمالی کوریا نے مختصر فاصلےتک مار کرنے والے دو بیلسٹک میزائلوں کا تجربہ کیاہے- تجربے میں میزائل مشرقی شہر ہم ہونگ کی جانب سے داغےگئے جو شمالی کوریا کے مشرقی حصے میں جاپانی ساحل میں جاکر گرے۔ میڈیا رپورٹس کے مطابق میزائلوں نے زیادہ سے زیادہ 48 کلو میٹر کی رفتار سے 400 کلو میٹر تک پرواز کی
شمالی کوریا کی جانب سے یہ میزائل تجربے ایسے وقت میں کیے گئے جب امریکی صدر ٹرمپ نے اپنے ایک بیان میں کہا تھا کہ انہیں شمالی کوریا کے سربراہ کم جونگ اُن کی طرف سے ایک بہت خوبصورت خط ملا ہے۔ مریکی صدر نے وائٹ ہاؤس میں صحافیوں سے گفتگو کرتے ہوئےکہا تھا کہ کم جونگ اُن کا خط مثبت سوچ کا حامل ہےاور ہماری شاید ایک اور ملاقات ہو
ٹرمپ کا کہنا تھا کہ کم جونگ امریکہ اور جنوبی کوریا کی مشترکہ فوجی مشقوں سے خوش نہیں ہیں۔
واضح رہے کہ شمالی کوریا نے امریکا اور جنوبی کوریا کے درمیان مشترکہ فوجی مشقوں پر تحفظات کا اظہار کرتے ہوئے کہا تھا کہ یہ مشقیں صدر ٹرمپ اور جنوبی کوریا کے صدر کے درمیان معاہدے کی خلاف ورزی ہیں۔
میڈیا رپورٹس کے مطابق شمالی کوریا کے میزائل تجربوں کو اقوام متحدہ کی سلامتی کونسل کی قراردادوں کی خلاف ورزی قرار دیا جارہا ہے۔