فلسطینی اتھارٹی نے اعلان کیا ہے کہ وہ اسرائیل اور فلسطین کے زیرکنٹرول مختلف علاقوں میں مغربی کنارے کی تقسیم کوآئندہ تسلیم نہیں کرے گا ، اور پورے علاقے پر اپنی حاکمیت کا دعویٰ کرے گا۔
اگر اس اعلان پر عملدرآمد ہوتا ہے تو ، مغربی کنارے کی موجودہ اے،بی اور سی کے علاقوں میں تقسیم ختم ہوجائے گی جیسے کہ اوسلو معاہدوں کے تحت 1993 اور 1995 میں فلسطینی لبریشن آرگنائزیشن (پی ایل او) اور اسرائیل نے تسلیم کر کے دستخط کیے تھے۔
یہ خبر فلسطینی اتھارٹی کے صدر محمود عباس کی جانب سے اسرائیل کے ساتھ کیے گئے تمام معاہدوں کو ختم کرنے کے فیصلے کے ایک مہینے بعد سامنے آئی ہے ، اور اس کے کئی ہفتوں کے بعد نومنتخب وزیر اعظم محمد اشتیۃ نے ٹویٹ کیا کہ “ہم ریاست فلسطین سے وابستہ تمام اراضی کو ایریا سےکی حیثیت سے نمٹائیں گے بشمول مقبوضہ مشرقی یروشلم۔ محمد اشتیۃ نے اپنے ٹوئٹر پیغام میں کہا کہ
اسرائیل مقبوضہ فلسطین کے علاقے ایریا “سی” کے حوالے سے ہونے والے کسی بھی معاہدے کا احترام نہیں کرتا ہے۔ اسی مناسبت سے ، ہم ریاست فلسطین سے وابستہ تمام اراضی کے ساتھ ایریا “اے” کی حیثیت سے نمٹیں گے ، بشمول مقبوضہ مشرقی یروشلم۔