روسی بحریہ نے جدید ترین جوہری آبدوز کے ذریعے بین البراعظمی بیلسٹک میزائل کا پہلا کامیاب تجربہ کیا۔ میزائل پانی کے نیچے سے داغا گیا جو روس کے انتہائی مشرق میں واقع جزیرہ نما علاقے کاماچٹکا میں اپنے ہدف تک کامیابی سے پہنچ گیا
روسی خبر رساں ادارے رشیا ٹوڈے کے مطابق روسی وزارت دفاع نے ائک ویڈیو جاری کی جس میں دکھایا گیا کہ بحر ابیض میں موجود آبدوز کنیاز ولادی میر (پرنس ولادی میر) نے یہ میزائل پانی کے نیچے سے داغا جو روس کے انتہائی مشرق میں واقع جزیرہ نما علاقے کاماچٹکا میں اپنے ہدف تک کامیابی سےپہنچ گیا۔
واضح رہے کہ پرنس ولادی میر آبدوز کو 2017 میں متعارف کرایا گیا تھا۔ یہ روسی آبدوز “بوری” کا پہلا ماڈل ہے جو بیلسٹک میزائل رکھتا ہے۔ اسے بحری مشقوں کے لیے ڈیزائن کیا گیا تھا۔اس وقت آبدوز تجرباتی طور پر کام کر رہی ہے اور رواں سال دسمبرمیں اسے روس کے شمالی بحری بیڑے میں شامل کر لیا جائے گا۔ ےاد رہے کہ اگست میں بوری کی ایک اور آبدوز ’’ یوری ڈولگوروکی ، ‘‘ نے بھی ”بلوا ”میزائل کا کامیابی کے ساتھ تجربہ کیاتھا۔