چین کے صوبے ووہان سے شروع ہونے والی عالمی وبا کورونا وائرس سے یورپ میں اموات کی تعداد 20 ہزار سے بڑھ گئی ہے۔ بین الاقوامی خبر ایجنسی کے مطابق اٹلی اور اسپین میں ایک دن میں 800 سے زائد اموات رپورٹ کی گئی ہیں۔
یاد رہے کہ کورونا وائرس کے باعث اس وقت دنیا کی ایک تہائی آبادی کو لاک ڈاؤن کا سامنا ہے۔ امریکہ میں 3 دنوں میں اموات میں دگنا اضافہ ہوا ہے جس کے بعد اموات کی تعداد 2200 سے زائد ہوگئی ہے۔ امریکہ میں ایک چوتھائی سے زائد اموات صرف نیویارک شہر میں ہوئی ہیں۔
طبی ماہرین کا خدشہ ہے کہ اٹلی کے بعد نیویارک کورونا سے سب سے زیادہ متاثر ہوسکتا ہے، نیویارک کے اسپتالوں میں حفاظتی طبی سامان اور وینٹیلیٹرز کی کمی ہے۔
خیال رہے کہ کورونا وائرس کی وجہ سے کچھ ممالک کے حکام نے صورت حال مزید خراب ہونے کا خدشہ ظاہر کیا ہے ۔