عمران خان کی حکومت کی نظر میں عوامی جان کی کیا اہمیت ہے، اسٹیٹ بینک آف پاکستان نے پول کھول دیا۔
اسٹیٹ بینک آف پاکستان نے ملکی معیشت پر کورونا کے اثرات پر مبنی ایک جامع تحقیقی دستاویز جاری کیا ہے جس سے عمران خان کی حکومت کی ترجیحات کا بخوبی اندازہ لگایا جا سکتا ہے۔
اسٹیٹ بینک آف پاکستان کی رپورٹ میں دیگر معاشی تفصیلات کے ساتھ انکشاف کیا گیا ہے کہ شعبہ صحت میں حکومتی اخراجات خطے کے دیگر ممالک سے کم ہیں۔
یعنی عمران خان کی حکومت افغانستان، بنگلہ دیش، بھارت، بھوٹان، مالدیپ اور سری لنکا کی نسبت عوامی صحت کے تحفظ کے لیے کم خرچ کر رہی ہے۔ جس سے حکومتی نظروں میں عوامی جان کی اہمیت کا بخوبی اندازہ لگایا جا سکتا ہے۔
اسٹیٹ بینک نے حکومتی ترجیحات کے پیش نظر عوام کو ہی نصیحت کردی ہے کہ ایسے میں عوامی آگاہی اور حکومت کے ساتھ تعاون بہت ضروری ہے، تاکہ جانوں کا ضیاں کم سے کم ہو۔
