جمعرات, اکتوبر 29 Live
Shadow

امریکی انتظامیہ نے چینی محققین اور طلباء کو ہراساں کرنا شروع کر دیا، چین کی بھی دھمکی

چین نے امریکی انتظامیہ کو خبردار کرتے ہوئے کہا کہ امریکہ چینی محققین اور طلبہ کو ہراساں کرنے کا سلسلہ بند کرے۔ چينی وزارت خارجہ کی جانب سے جاری بیان میں کہا گیا ہے کہ امريکہ ميں چينی طلبہ اور محققين کی کڑی نگرانی کی جا رہی ہے اور انہيں مسلسل ہراساں کيا جا رہا ہے، امریکی انتظامیہ نے 3 چینی محققین کو غیر قانونی طور پر حراست میں لے رکھا ہے اور انکی ضمانت میں رکاوٹیں کھڑی کی جا رہی ہیں۔

چین کی وزارت خارجہ کے ترجمان نے اپنے بیان میں مزید کہا ہے کہ رياست کيلي فورنيا ميں ايک چينی نژاد محقق يوآن ٹينگ کی ضمانت پر رہائی کی درحواست کو بھی حال ہی ميں مسترد کر دیا گیا ہے جس سے امریکا کے عزائم کھل کر سامنے آگئے ہیں۔ چین اپنے طلبہ اور محققین کی زندگیوں کی حفاظت کے لیے ہر ضروری قدم اُٹھائے گا۔

چینی وزارت خارجہ کے ترجمان نے امریکا کو خبردار کرتے ہوئے کہا کہ تعلیم اور تحقیق کی غرض سے امریکہ میں مقیم چینی شہریوں کو ہراساں کرنے کا عمل بند کیا جائے اور تمام گرفتارشدگان کو فوری طور پر رہا کیا جائے ورنہ چینی حکومت اپنے شہریوں کی حفاظت کے لیے کوئی بھی قدم اُٹھانے کے لیے آزاد ہوگی۔

دوست و احباب کو تجویز کریں

تبصرہ کریں