آج ہفتہ کے روز اسرائیلی فوج کی جانب سے کی جانے والی جارحانہ کاروائی میں کم از کم ایک شخص جاں بحق جبکہ کئی افراد زخمی ہو گئے ہیں۔
فلسطینی وزارت صحت کے ترجمان اشرف القذرا نے کہا ہے کہ “غزہ کی پٹی کے شمال میں بیت حنون کے شہر کے ارد گرد ایک اسرائیلی فضائی حملے میں چار فلسطینی زخمی ہوئے ہیں.” بعد میں، اے ایف پی نے رپورٹ کیا کہ اسرائیلی حملوں میں اس علاقے میں کم سے کم ایک شخص ہلاک ہوا ہے
تاہم حسب معمول اسرائیلی افواج نے اپنی ظالمانہ کاروائی کو جوابی حملہ قرار دے دیا ہے ۔اپنی جارحانہ کاروائی سے قبل آج ہفتہ کے روز اسرائیلی مسلح افواج نے غزہ کی پٹی کی طرف سے اسرائیل کی سمت راکٹوں کے ساتھ حملہ کیے جانے کا الزام عائد کیا تھا
رواں ہفتے غزہ میں مجموعی طور پر صورتحال کشیدہ رہی۔ مختلف اسرائیلی جارحانہ کاروائیوں میں چار افراد جاں بحق اور درجنوں زخمی کر دیے گئے جن میں دس بچے تین طبی معاون اور ایک صحافی بھی شامل ہے۔