kasmir

مقبوضہ کشمیر میں بھارتی مظالم کا نشانہ بننے والے عوام سے اظہار یکجہتی کے لیے ترکی میں نغمہ ریلیز کردیا گیا۔' میرا نام کشمیر ہے' کے عنوان سے یہ نغمہ  انگریزی زبان میں دنیا بھر میں ریلیز  کیا گیا ہے جس کی ویڈیو میں بھارتی مظالم اور کشمیریوں کو آزادی کا مطالبہ کرتے ہوئے دکھایا گیا ہے ۔ سوشل میڈیا پر یہ نغمہ تیزی سے وائرل ہورہا ہے۔ نغمے کی ویڈیو میں بھارتی فوج کے کشمیریوں پر مظالم ، کشمیری عوام کی جدوجہد اور پاکستان سے محبت کی عکاسی کی گئی ہے،فوٹو:فائل یہ نغمہ ترکی کے نغمہ نگار اور موسیقار ترگے ایورین نے لکھا ہے  اور اس کی موسیقی بھی انہوں نے ترتیب دی ہے جب کہ اس نغمے کو حال ہی میں اسلام قبول کرنے والی معروف امریکی گلوکارہ ڈیلا مائلز نے گایا ہے۔  ترک نغمہ نگار اور موسیقار ترگے ایورین کا کہنا ہے کہ یہ نغمہ آزادی سے محروم دنیا بھر کے مظلوم عوام کے لیے ہے ۔ گان...