صدربائیڈن نے غیر قانونی تارکین وطن کے بچوں کو عارضی جیل نما کنٹینروں میں رکھنے کا بند منصوبہ بحال کر دیا: امریکی سماجی میڈیا پر کڑی تنقید، شہریوں نے صدر کو جھوٹا و وعدہ خلاف قرار دے دیا
امریکی صدر جوبائیڈن نے سابق صدر ڈونلڈ ٹرمپ کی طرز پر غیر قانونی تارکین وطن کے بچوں کے لیے سرحد پر خصوصی جیل نما ڈبہ گھروں کے منصوبے کو دوبارہ بحال کرنے کا حکم دے دیا ہے۔ صدربائیڈن نے رواں ہفتے منصوبے کی منظوری دی تو منصوبے پر صد ٹرمپ کو سخت تنقید کا نشانہ بنانے والے ڈیموکریٹ صدر بائیڈن کا دفاع کرتے نظر آئے، جس پر امریکی سماجی میڈیا پر شروع ہونے والی بحث نے ایک بار پھر امریکی معاشرے کی گراوٹ اور تقسیم کو بُری طرح عیاں کردیا ہے۔
یاد رہے کہ 2019 میں صدر ٹرمپ نے ٹیکساس کے علاقے کیریزو سپرنگ میں مزدوروں کی غیر مستقل رہائشی سہولت کو غیر قانونی تارکین وطن کے بچوں کے لیے وقف کردیا تھا، جہاں 700 بچوں کو رکھنے کی گنجائش تھی تاہم شدید عوامی دباؤ پر صدر ٹرمپ نے منصوبے کو بند کر دیا تھا۔
صدر بائیڈن کے منصوبے کو بحال کرنے پر کچھ سماجی حلقوں کی جانب سے ناراضگی کا اظہار کیا جا رہا ہے، واشنگٹن پوسٹ...