روس اور یوکرین کے مابین جنگ بندی اور امن معاہدے کے لیے جاری مذاکرات میں جلد کامیابی کی امید کا اظہار سامنے آیا ہے، روسی مذاکرات کار لیوند سلاتسکی نے رشیاٹوڈے عربی سے گفتگو کرتے ہوئے کہا کہ مذاکرات میں جاری پیش رفت سے لگتا ہے کہ جلد امن معاہدہ طے پا جائے گا۔
سلاتسکی کا کہنا تھا کہ اگر مذاکرات کے آغاز اور چوتھے دور کا موازنہ کیا جائے تو کہا جا سکتا ہے کہ صورتحال انتہائی بہتر ہے، دونوں فریقین کے رویوں میں امن معاہدے کے لیے کوشش واضح نظر آرہی ہے۔ انکا کہنا تھا کہ میرے خیال میں آئندہ چند روز میں باقائدہ امن معاہدے پر دستخط ہو سکتے ہیں۔
واضح رہے کہ سلاتسکی مذاکرات کار کے ساتھ ساتھ نئی خود مختار ریاست دونباس میں خارجہ امور کے سربراہ بھی ہیں۔ ان کے خیال میں امن معاہدہ خطے میں امن اور مزید قیمتی انسانی جانوں کو محفوظ بنانے میں مددگار ثابت ہو گا۔
مذاکرات کے حوالے سے روسی صدر کے مشیر میخائل پودولیاک کی جانب سے بھی مثبت پیش رفت کا اشارہ سامنے آیا ہے۔