روسی صدر کی سرکاری رہائش گاہ کریملن میں تعمیراتی کارکنوں نےایک طیارہ بم دریافت کیا جو تقریبا 80 سال زیر زمین رہا -دریافت دریائے ماسکووا کے کنارے قرون وسطی کے قلعے کی دیواروں کے اندر واقع ایک پارک ایریا ، ٹینیٹسکی گارڈن میں مٹی کی کھدائی کے دوران ہوئی
ماسکو کے قلب میں واقع ، کریملن 1941-42 میں نازی فضائی حملوں کا نشانہ تھا ، کریملن کے سپرنٹنڈنٹ ، سرگی خیلبینکوف نے مزید کہا کہ ، بم جو پھٹ نہ سکا غالباً مٹی کی ایک بڑی تہہ کے نیچے چھپا رہ گیاتھا۔تاہم اب بم کو ناکارہ کردیا گیاہے اور اسے علاقے سے بھی ہٹا دیا گیاہے
ستم ظریفی کی بات یہ ہے کہ یہ بم 15 اگست کو اس وقت برآمد ہوا جب روس میں ماہرین آثار قدیمہ کا دن منایا جا رہا تھااوراس موقع پر بہت سارے صحافیوں کو کریملن میں مدعو تھے-بم ملنے کے بعد ان سب کو فوری طور پروہاں سے نکالنا پڑا تھا۔