آزربائیجان کے دارالحکومت باکو میں پاکستان، ترکی اور آزربائیجان کی مشترکہ عسکری مشقیں جاری ہیں۔ تینوں ممالک کی پہلی مشترکہ عسکری مشقیں 20 ستمبر تک، ایک ہفتہ جاری رہیں گی۔
اس موقع پر آزربائیجان کی وزارت دفاع کی جانب سے جاری ہونے والے بیان میں کہا گیا کہ مشقوں سے تینوں ممالک میں تعاون بڑھنے کے امکانات پیدا ہوں گے اور آئندہ امن کے استحکام کے لیے راہ ہموار ہو گی۔
یاد رہے کہ ترکی اور آزربائیجان دونوں ترک النسل ممالک ہیں اور اس سے پہلے بھی مشترکہ عسکری مشقیں کرتی رہی ہیں لیکن پاکستان کو پہلی بار ان میں مدعو کیا گیا ہے۔
آزربائیجان کے 2020 میں آرمینیا سے 44 دن کی جنگ کے بعد کاراباخ سمیت اپنے دیگر علاقے خالی کروانے میں پاکستان کا اہم کردار رہا ہے۔