بین الاقوامی خبر رساں ادارے کے مطابق امریکہ نےروس کے ساتھ 1987ء میں کیے گئے معاہدے ’ انٹرمیڈیٹ نیوکلئیر فورسز ٹریٹی سے دست برداری کا باضابطہ طور پر اعلان کردیا ہے، چھ ماہ قبل امریکہ نے اس معاہدے کو معطل کرکے معاہدے سے مکمل طور پر انخلا کے لیے اقدامات کا آغاز کر دیا تھا۔
رواں برس فروری میں امریکہ کے معاہدے کو معطل کر کے مکمل انخلا کی دھمکی پر پہلے تو روس نے معاہدے کو برقرار رکھنے کی کوشش کی تاہم جب بات نہ بنی تو اگلے ہی ماہ روسی صدر نے بھی معاہدے کومعطل کرنے کا اعلان کرتے ہوئے کہا کہ روس ویسا ہی کرے گا جیسا امریکہ نے کیا، امریکا کو اسی کی زبان میں جواب دینا ہوگا۔
واضح رہے کہ سابق امریکی صدر ڈونلڈ ریگن نے 8 دسمبر 1987ء کو وائٹ ہاؤس میں سابق سوویت یونین کے صدر میخائل گوربا چوف کے ساتھ ’’درمیانی رینج کے نیوکلیئر میزائل کی بندش کے معاہدے پر دستخط کیے تھے جس کے تحت 500 سے 5500 کلومیٹر تک مار کرنے والے جوہری میزائلوں پر پابندی عائد کردی گئی تھی –
اقوام متحدہ کے سیکریٹری جنرل نے معاہدے کی منسوخی پر افسوس کا اظہار کیاہے۔