روسی قومی سلامتی کونسل کے سربراہ نے کہا ، جوہری ہتھیارایک ایسا آلہ ہیں جو روس کو امریکہ کے برابرکھڑاکردیتا ہے ، اس کے باوجود امریکہ عالمی تسلط کا خواہاں ہے۔
نیکولائی پیٹروشیف نے منگل کو صحافیوں کو بتایا ، فوجی حاکمیت سمیت ہر چیز میں ایک اہم مقام تلاش کرنا ، واشنگٹن کی حکمت عملی کا حصہ ہے۔ ایک ایسی قوم کی حیثیت سے جو امریکی مفادات پرزدنہیں لگانا چاہتی روس کو امریکہ کو روکنے کے قابل ہونے کی ضرورت ہے۔
پیٹروشیف نے کہا ، “آئیے یاد کریں 6 اگست ، 1945 کو کیا ہوا تھا۔ امریکہ نے ہیروشیما پر ایٹم بم گرایا تھا۔” “ایسا کیوں ہوا؟ کیونکہ ان کوغلبہ حاصل تھا۔ وہ جانتے تھے کہ کوئی بھی قوم ان کے خلاف انتقامی کارروائی نہیں کر سکتی ہے۔
آج ان کوغلبہ حاصل کرنے کی اجازت نہیں دی جاسکتی ہے کہ وہ یہ سمجھیں کہ کوئی ان کے سامنے نہیں کھڑا ہوسکتا ۔ ہمارے نئے تیار کردہ ہتھیار ہمیں اپنے مفادات کے لئے امریکہ کے ساتھ کھل کر بات چیت کرنے کا حوصلہ دیتے ہیں۔