امریکی خارجہ پالیسی کے جواب میں ، ایرانی صدر حسن روحانی الفاظ کے ایسےدلچسپ انتخاب پر اتر آئے ہیں جو ڈونلڈ ٹرمپ سے منسلک محاورات سے کافی ملتے جلتے ہیں۔
روحانی نے منگل کے روز ٹیلی وژن تقریر میں متنبہ کیا کہ امریکہ کے بارے میں ایران کی پالیسیاں تہران کے بارے میں واشنگٹن کی پالیسیوں کی آئینہ دار ہوں گی۔ انہوں نے زور دیا کہ اگر امریکہ مذاکرات کرنا چاہتا ہے تو اسے پہلے تمام پابندیاں ختم کرنی چاہئیں۔روحانی نے مزید کہا کہ
ایران کے ساتھ امن تمام امن کی ماں ہے۔ ایران کے ساتھ جنگ تمام جنگوں کی ماں ہے۔
اس جملے کا رخ صدر ڈونلڈ ٹرمپ کی طرف جاتا ہے ، جو اکثر ”سب کی ماں” کامحاورہ استعمال کرتےہیں۔ 2017 میں ، امریکہ نے افغانستان میں اسلامک اسٹیٹ (آئی ایس ، سابقہ آئی ایس آئی ایس) کی پوزیشنوں پر مدر آف آل بمبس‘ (ایم او اے بی) کے نام سے ایک طاقتور بم گرایا۔ اس سال کے آخر میں واشنگٹن ڈی سی میں ٹرمپ کی حامی ریلی کو ‘تمام ریلیوں کی ماں کہا گیا
روحانی نے اپنی تقریر میں امریکہ کو ایران کی سلامتی کو “مجروح کرنے” کے حوالے سے خبردار کیا اور ‘آنکھ کے بدلے آنکھ ‘ کی دھمکی بھی دی-روحانی نے کہا ۔
ایک آبنائے کے لئے ایک آبنائے۔ یہ نہیں ہوسکتا کہ آبنائے ہرمز آپ کے لئے مفت ہے اور آبنائے جبرالٹر ہمارے لئے مفت نہیں ہے۔
واضح رہے کہ گذشتہ ماہ برٹش رائل میرینز اور جبرالٹر پولیس کی طرف سےآبنائے جبرالٹر میں ایک ایرانی آئل ٹینکر پر قبضہ کرنے کے بعد تناؤ بڑھ گیا تھااس ٹینکرپر شبہ تھا کہ وہ یورپی یونین کی پابندیوں کی خلاف ورزی کرتے ہوئے شام میں تیل لے جارہا تھا دو ہفتوں کے بعد ، ایرانی افواج نے آبنائے ہرمز میں ایک برطانوی ٹینکر کویہ کہہ کر پکڑ لیا کہ وہ سمندری قوانین کی خلاف ورزی کررہا تھا۔
،