پیانگ یانگ نے جنوبی کوریا کے ریاست ہائے متحدہ امریکہ کے ساتھ مشترکہ فوجی مشقوں میں حصہ لینے کے فیصلے پر سفارتی تعطل کا الزام لگاتے ہوئے ، اپنے جنوبی پڑوسی کے ساتھ بات چیت جاری رکھنے کو ناممکن قرار دیا ہے۔
ایک بیان میں ، شمالی کوریا نے کہا کہ سیئول کی فوجی مشقوں نے بات چیت کو ناممکن بنادیاہے۔
بیان میں لکھا گیا ہے کہ، “اس وقت بھی جنوبی کوریاامریکہ کے ساتھ اپنی مشترکہ فوجی مشق جاری رکھے ہوئے ہے اور پرامن معیشت یا پر امن حکومت کی بات کرتے ہوئےاسے ایسا کرنے کا کوئی حق نہیں ہے ،”۔
پیانگ یانگ نے جنوبی کوریائی صدر مون جائی اِن کےجمعرات کے روز ایک تقریر میں 2045 تک جزیرہ نما متحدہ کوریا کا تصور دینے پر بھی اپنی ناراضی کا اظہار کیا۔انھوں نے اپنے بیان میں مون کو ایک “بے شرم آدمی” قرار دیا جو شمالی اور شمالی کوریا کے درمیان ‘بات چیت’ کا ذکر بھی کرتا ہےاور جنگی منظرنامے میں 90 دنوں میں شمالی کوریا کی بیشتر فوج کو تباہ کرنے کا منصوبہ بھی بناتا ہے۔