ترکی کے صدر رجب طیب اردگان نے کہا ہے کہ ترکی، منبیج سے لے کر عراقی سرحد تک شام میں کرد ملیشیا کو دھکیلنے کا ارادہ رکھتا ہے اور اس وقت اس کی سرزمین میں مقیم 30 لاکھ مہاجرین کو دوبارہ آباد کرے گا۔
اردگان نے آذربائیجان کے دارالحکومت باکو میں ترک کونسل کی میٹنگ میں بتایا کہ منگل کی صبح تک ترک افواج نے “ایک ہزار مربع کلومیٹر کے علاقے کو علیحدگی پسند دہشت گرد گروہ کے قبضے سے آزاد کرا لیا ہے۔” وہ کرد ملیشیاؤں کا حوالہ دے رہے تھے ، جنھیں انقرہ ، ترکی میں مقیم ایک عسکریت پسند اور سیاسی تنظیم پی کے کے کی توسیع کے طور پر مانتا ہے۔
اردگان نے کہا کہ ان کا ملک منبیج سے عراقی سرحد تک مشرق کے پورے علاقے کودہشت گردوں سے صاف کرنے کا ارادہ رکھتا ہے۔ اوراس سرزمین کو پھر تیس لاکھ شامی مہاجرین کی آباد کاری کے لئے استعمال کیا جائے گا ، جو اس وقت ترکی کے پاس رہ رہےہیں۔