امریکی کانگریس کے ایوانِ نمائندگان میں صدر ڈونلڈ ٹرمپ کے مواخذے سے متعلق قرارداد پر ووٹنگ رواں ہفتے ہو گی۔ ایوان کی عدالتی کمیٹی نے جمعہ تیرہ دسمبر کو صدارتی مواخذے کے لیے الزامات سے متعلق دو شقوں کی منظوری دے دی تھی۔ ان میں ایک کا تعلق اختیارات کے ناجائز استعمال اور دوسرے کا کانگریس کے امور میں مداخلت سے ہے۔
ایوان نمائندگان میں یہ رائے شماری بدھ اٹھارہ دسمبر کو ہو سکتی ہے۔ منظوری کی صورت میں امریکی سینیٹ میں اس قرارداد پر بحث اگلے برس کے اوائل میں ممکن ہو سکے گی۔ ادھر صدر ٹرمپ اپنے خلاف مواخذے کے اس عمل کو غیر ضروری اور ’وِچ ہنٹ‘ قرار دیتے ہیں۔ جبکہ ری پبلکن پارٹی کے اراکین کانگریس ٹرمپ کے اس موقف کے حامی ہیں۔