روس، سعودی عرب میں 10 ارب ڈالر کی سرمایہ کاری کرے گا ۔روسی سرمایہ کاری بورڈ

روسی سرمایہ کاری بورڈ کی طرف سے جاری ایک بیان میں کہا گیا ہے کہ سعودی عرب اور روس کی سرمایہ کار کمپنیاں مشترکہ سرمایہ کاری کے معاملے پر بات چیت کر رہی ہیں۔ اورتوقع ہے کہ دونوں‌ ملکوں کے درمیان دو طرفہ سرمایہ کاری کا حجم 10 ارب ڈالر سے تجاوز کر جائے گا۔

واضح رہے کہ روس اور سعودی سرمایہ کار کمپنیوں‌ کے درمیان دو طرفہ سرمایہ کاری پر مذاکرات ایک ایسے وقت میں ہوئے ہیں جب دوسری طرف روس تیل پیدا کرنے والے ممالک کی تنظیم ‘اوپیک’ کے ارکان کے ساتھ عالمی منڈی میں تیل کے مشترکہ منصوبوں اور دیگر سرمایہ کاری منصوبوں‌ پر مذاکرات اور معاہدے کر رہا ہے۔ سعودی عرب اوپیک کے رکن ملک کی حیثیت سے روس سمیت دوسرے ممالک کوبھی تیل کی پیداوار میں کمی اور متبادل توانائی کے منصوبوں پر سرمایہ کاری پر قائل کرنے کے لیے کوشاں‌ ہے۔

روسی سرمایہ کاری بورڈ کے حکام کا کہنا ہے کہ جلد ہی سعودی سرمایہ کار کمپنیوں کے عہدیدار ماسکو کا دورہ کریں گے اورماسکو میں روس اور سعودی عرب کی کمپنیوں کے درمیان مشترکہ سرمایہ کاری پر دوبارہ بات چیت ہوگی۔

Care to Share?

Leave a Reply

Your email address will not be published. Required fields are marked *

14 − 3 =