امریکی صدر ڈونلڈ ٹرمپ نے سپریم کورٹ کی جانب سے دھاندلی کی بنیاد پر انتخابی نتائج کو مسترد کرنے کے لیے دائر درخواست کے مسترد کیے جانے پر ناراضگی کا اظہار کیا ہے، صدر کا کہنا ہے کہ عدالت نے امریکیوں کو مایوس کیا ہے، درخواست میں بہت سے نقاط غور طلب تھے جنہیں عدالت نے نظر انداز کیا، عدالت نے حکمت سے عاری اور بے ہمتی کا مظاہرہ کیا ہے، لیکن ہم اس جنگ کو جاری رکھیں گے۔
واضح رہے کہ اعلیٰ عدالت سے درخواست کے مسترد ہو جانے کے بعد نظرثانی کے علاوہ ریپبلک صدر کے پاس کوئی دوسرا قانونی چارہ نہیں رہا ہے۔