انڈونیشیا کے جزیرے جاوا میں تیل ریفائنری میں آگ بھرک اٹھی۔ دیکھتے ہی دیکھتے آگ نے اردگرد کے بڑے علاقے کو اپنی لپیٹ میں لے لیا، جس کے باعث لوگوں کو جان بچانے کے لیے علاقہ چھوڑنا پڑا۔ مقامی انتطامیہ کے مطابق کم از کم 1000 افراد نے نقل مکانی کی ہے۔
بالوگان نامی تیل ریفائنری پرتامینا کمپنی کی ملکیت ہے جہاں خام تیل کی صفائی کی جاتی ہے۔ اطلاعات کے مطابق آگ بروز پیر لگی، اور فوری آگ کے شعلے انتہائی بلند ہو گئے۔ لوگوں نے جان بچانے کے لیے بھاگ کر جانیں بچائیں۔ پانچ افراد کے جھلس کر زخمی ہونے کی اطلاعات ہیں تاہم انکی جانیں خطرے سے باہر ہیں۔
آگ کے شعلوں کو 5 کلومیٹر تک دیکھا جا سکتا تھا۔ آگ کی وجہ تاحال معلوم نہیں ہو سکی البتہ مقامی افراد کے مطابق آگ سے قبل زور دار دھماکہ سنا گیا تھا۔ انتظامیہ نے خراب موسم اور آسمانی بجلی کے واقع میں ملوث ہونے کے امکان کو بھی مسترد نہیں کیا ہے۔
ریفائنری 1994 میں قائم کی گئی تھی، جہاں یومیہ 150 بیرل تیل صاف کیا جاتا ہے۔