اتوار, اکتوبر 17 Live
Shadow
سرخیاں
آؤکس بین الاقوامی سیاست میں کشیدگی و عدم استحکام بڑھانے اور اسلحے کی نئی دوڑ کا باعث ہو گا: چین اور مشرقی ممالک کے خلاف مغرب کے نئے عسکری اتحاد پر روسی ردعملایف بی آئی نے خفیہ کارروائی میں جوہری آبدوز ٹیکنالوجی بیچتے دو فوجی انجینئر گرفتار کر لیےامریکہ مصنوعی ذہانت، سائبر سکیورٹی اور دیگر جدید ٹیکنالوجیوں میں چین سے 15/20 سال پیچھے ہے: پینٹاگون سافٹ ویئر شعبے کے حال ہی میں مستعفی ہونے والے سربراہ کا تہلکہ خیز انٹرویوروسی محققین کووڈ-19 کے خلاف دوا دریافت کرنے میں کامیاب: انسانوں پر تجربات شروعسابق افغان وزیردفاع کے بیٹے کی امریکہ میں 2 کروڑ ڈالر کے بنگلے کی خریداری: ذرائع ابلاغ پر خوب تنقیدہمارے پاس ثبوت ہیں کہ فرانسیسی فوج ہمارے ملک میں دہشت گردوں کو تربیت دے رہی ہے: مالی کے وزیراعظم مائیگا کا رشیا ٹوڈے کو انٹرویوعالمی قرضہ 300کھرب ڈالر کی حدود پار کر کے دنیا کی مجموعی پیداوار سے بھی 3 گناء زائد ہو گیا: معروف معاشی تحقیقی ادارے کی رپورٹ میں تنبیہامریکہ میں رواں برس کورونا وائرس سے مرنے والوں کی تعداد 2020 سے بھی بڑھ گئی: لبرل امریکی میڈیا کی خاموشی پر شہری نالاں، ریپبلک کا متعصب میڈیا مہم پر سوالکورونا ویکسین بیچنے والی امریکی کمپنی کے بانیوں اور سرمایہ کار کا نام امریکہ کے 225 ارب پتیوں کی فہرست میں شامل: سماجی حلقوں کی جانب سے کڑی تنقیدامریکی جاسوس ادارے سی آئی اے کو دنیا بھر میں ایجنٹوں کی شدید کمی کا سامنا، ایجنٹ مارے جانے، پکڑے جانے، ڈبل ایجنٹ بننے، لاپتہ ہونے کے باعث مسائل درپیش، اسٹیشنوں کو بھرتیاں تیز کرنے کا بھی حکم: نیو یارک ٹائمز

اقوام متحدہ کی قراردادیں امریکی پالیسیوں کی عکاسی ہوتی ہیں، ملکی دفاع پر سمجھوتہ نہیں کریں گے: سلامتی کونسل میں شمالی کوریا کے میزائل تجربات کے جواب میں مزید پابندیوں کی بحث پر پیونگ ینگ کا ردعمل

شمالی کوریا نے میزائل تجربے پر سلامتی کونسل کی جانب سے تنقید کو مسترد کر دیا ہے، بین الاقوامی ادارے کا کہنا تھا کہ تجربہ عالمی قراردادوں کی خلاف ورزی ہے، جسے شمالی کوریا نے اپنے دفاع کا حق قرار دیتے ہوئے مسترد کر دیا ہے، مشرق بعید کے ملک کی وزار خارجہ کا کہنا ہے کہ اقوام متحدہ دوہرے معیار کا حامل ادارہ ہے، جو دیگر ممالک کے دفاعی تجربات پر کوئی ردعمل نہیں دیتا۔

واضح رہے کہ شمالی کوریا کا ردعمل سلامتی کونسل میں شمالی کوریا پر مزید پابندیوں کی بحث سامنے آنے کے بعد دیا گیا ہے۔ شمالی کوریا کا مؤقف ہے کہ انہیں اپنے دفاع کی تیاری کا پورا حق ہے، عالمی ادارہ دوہرا معیار ترک کر دے۔

وزارت خارجہ نے اپنے بیان میں مزید کہا ہے کہ سلامتی کونسل کی قراردادیں دراصل امریکی پالیسیوں کی عکاسی ہیں، جو ممالک سے انکی خودمختاری چھیننے کے علاوہ کچھ نہیں کرتیں۔

واضح رہے کہ پیونگ ینگ نے ان چند ہفتوں میں دو میزائل تجربے کیے ہیں، جن میں سے دو ٹیکٹیکل بیلسٹک میزائل کا تجربہ بحیرہ جاپان میں کیا گیا ہے جبکہ دو غیر بلسٹک میزائلوں کا تجربہ بحیرہ زرد میں کیا گیا ہے۔

تجربات پر خطے میں امریکی اتحادیوں جاپان اور جنوبی کوریا کی جانب سے شدید تحفظات کا اظہار کیا گیا ہے، جبکہ امریکی مرکزی عسکری قیادت نے بھی اسے خطے کے امن کے لیے خطرہ گردانا ہے۔

واضح رہے کہ ٹرمپ صدارت کے دوران امریکہ نے شمالی کوریا کے ساتھ تعلقات کی بحالی پر کافی کام کیا تھا، تاہم صدر بائیڈن کی پالیسیوں نے وہ تمام کوششیں ضائع کر دی ہیں۔ شمالی کوریا کا کہنا ہے کہ امریکی رویہ قطعاً قابل برداشت نہیں۔

سلامتی کونسل نے شمالی کوریا پر مزید مالی پابندیاں لگانے کے لیے میزائل کا جواز بنایا ہے اور بروز منگل اس پر تفصیلی بحث کی گئی ہے۔ تاہم اس بارے میں ذرائع ابلاغ کو تاحال آگاہ نہیں کیا گیا۔

دوست و احباب کو تجویز کریں

تبصرہ کریں

Contact Us