انڈونیشیا کے مغربی ساحلی علاقے سماترا کے جزیرے نیاس میں 6 اعشاریہ 4 ریکٹر اسکیل کی شدت کا زلزلہ آیا ہے۔ زلزلے کا مرکز صرف 10 کلومیٹر کی گہرائی پر تھا جس کے باعث 129 کلومیٹر کے وسیع علاقے میں اس کی شدت محسوس کی گئی۔
مقامی محکمہ موسمیات کے مطابق سونامی کے آثار نہیں ہیں لیکن شہری بعد از زلزلہ جھٹکوں کے لیے تیار رہیں۔
یاد رہے کہ کچھ قبل بھی انڈونیشیا کے جاوا جزیروں پر زلزلے سے 8 افراد ہلاک اور 1300 عمارتیں منہدم ہو گئی تھیں۔
انڈونیشیا زلزلوں، سونامیوں اور آتش فشاں کے حوالے سے بہت حساس ممالک میں سے ایک ہے، جنوری میں آئے ایک زلزلے میں 105 افراد جاں بحق اور 650 زخمی ہو گئے تھے، جبکہ ہزاروں کو نقل مکانی کرنا پڑی تھی۔
یاد رہے کہ 2005 میں آئے 8 اعشاریہ 6 ریکٹر کے زلزلے سے پیدا ہونے والی سونامی نے بڑے خطے کو متاثر کیا تھا جس میں 915 افراد جاں بحق اور کروڑوں کا نقصان ہوا تھا۔