روسی سویوز راکٹ برطانوی انٹرنیٹ کمپنی کے 36 مصنوعی سیاروں کو لے کر خلائی سفر پر روانہ ہو گیا ہے۔ سیارے دنیا بھر میں انٹرنیٹ کی سروس کو وسعت دینے میں مدد کریں گے۔
مقامی وقت کے مطابق راکٹ نے صبح 7:14 پر پرواز بھری اور تمام 36 سیٹلائٹ منصوبے کے مطابق کامیابی سے اپنے مدار میں راکٹ سے الگ ہو گئے۔
روسی خلائی ادارے کے سربراہ نے منصوبے کی کامیابی پر عملے کو مبارکباد دی۔
برطانوی کمپنی نے بھی منصوبے کی کامیاب پر خوشی کا اظہار کیا اور جلد مزید معلومات دینے کا کہا۔
واضح رہے کہ روسی سویوز راکٹ نے چھٹی بار برطانوی کمپنی ون ویب کے سیٹلائٹ خلاء میں پہنچائے ہیں، برطانوی کمپنی مجموعی طور پر 650 مصنوعی سیارے خلاء میں بھیجنے کا ارادہ رکھتی ہے۔