برطانیہ: 7 نومولود بچوں کو مارنے اور 10 کو اپاہج کرنے والی نرس لوسی پر 5 سال بعد جرم ثابت، تاحیات قید کی سزا متوقع، برطانوی اخبارات نے بچے کھانے والی چڑیل کی سرخیاں لگا دیں
ایک برطانوی سفید فام نرس پر 7 نومولود بچوں کا قتل کرنے اور 6 یا 10 کو مارنے کی کوشش کرنے کا الزام ثابت ہو گیا ہے۔ عدالت نے پولیس کو تحقیقات جاری رکھنے کا حکم دیا ہے کہ پتا کیا جائے کہ لوسی لیٹبی مزید کسی بچے کو مارنے میں ملوث رہی ہے یا نہیں۔
برطانیہ کے شہر لیورپول میں ہونے والی لمبی تحقیقات میں سامنے آیا ہے کہ 33 سالہ لوسی نے اسپتال میں کام کے دوران 7 نومولود بچوں کو ارادتاً قتل کیا۔ برطانیہ میں اس حوالے سے بہت شور و غوغا ہے جبکہ مقامی ذرائع ابلاغ نے اسے جدید برطانوی تاریخ کا سب سے خولناک واقع قرار دیا ہے۔ ایک اخبار نے لوسی کو بچوں کو مارنے والی چڑیل کی سرخی لگائی ہے۔
لوسی نے 2015 سے 2016 کے دوران چیسٹر اسپتال میں خدمات سرانجام دیں، اس دوران اسپتال میں اچانک نومولد بچوں کی اموات ہونے کے واقعات سامنے آنے لگے۔ ڈاکٹر پریشان تھے تاہم کوئی واضح وجہ نہ ہونے کے باعث انتظامیہ کچھ نہ کر سک...