Tag: منشیات، افغانستان، امارات اسلامیہ افغانستان، شریعت، خواتین کے حقوق، ذبیح اللہ مجاہد،، اقدار کا احترام، انصاف، پریس کانفرنس، کابل فتح، نیتو کی شکست، اقوام متحدہ،

ترجمان امارات اسلامیہ افغانستان ذبیح اللہ مجاہد کی کابل میں پہلی پریس کانفرنس سے خطاب پر پوری دنیا کی نظریں رہیں، اور یہ دنیا بھر سے متوقع ردعمل کو پا رہی ہے۔ پریس کانفرنس میں ترجمان کا کہنا تھا کہ وہ تمام جنگی دشمنوں کے لیے عام معافی کا اعلان کرتے ہیں اور خواتین کو شریعت کے عین مطابق حقوق اور آزادی دیں گے۔ ذبیح اللہ مجاہد کا کہنا تھا کہ ملک کی تمام سرحدیں ہمارے کنٹرول میں ہیں، حکومت سازی کا عمل جاری ہے اور جلد اسکا باقائدہ اعلان کر دیا جائے گا۔ یاد رہے کہ امارات اسلامیہ افغانستان کی طرف سے عام معافی کا اعلان اس وقت کیا گیا ہے جبکہ امریکہ اور اسکے اتحادی اپنے حمائتیوں کو ملک سے نکالنے کی تگ و دو میں مصروف ہیں۔ عام معافی کا اعلان کرتے ہوئے ترجمان امارات اسلامیہ افغانستان کا کہنا تھا کہ یہ اعلان ملک میں امن اور استحکام کو مدنظر رکھتے ہوئے کیا گیا ہے، انکا کہنا تھا کہ گزشتہ کچھ روز س...