وینزویلا کا کورونا کے خلاف منفی اثرات کے بغیر، انتہائی مؤثر دوا تیار کرنے کا دعویٰ
وینزویلا کے صدر نیکولس مادورو نے دعویٰ کیا ہے کہ کورونا وائرس پر کام کرنے والے انکے سائنسدان ایسی دوا بنانے میں کامیاب ہو گئی ہے جو نہ صرف کووڈ19 کے خلاف کارآمد ہے بلکہ اسکے انسانی جسم پر کوئی منفی اثرات بھی نہیں ہیں۔ صدر نے دوا کا جلد عالمی ادارہ صحت کے پاس اندراج کا اعلان بھی کیا ہے۔
صدر نیکولس کا کہنا تھا کہ ہم ایسی دوا تیار کرنے میں کامیاب ہو گئے ہیں جو کووڈ19 وائرس کو مکمل طور پر ختم کر دیتی ہے، اور وائرس کے پھیلاؤ کے خلاف انتہائی مؤثر ہے۔
دوا وینزویلا کے ادارہ برائے سائنسی تحقیق میں دریافت کی گئی ہے۔ تفصیلات کے مطابق دوا ٹی آر 10 نامی مالیکیول سے تیار کی گئی ہے۔
صدر نیکولس کے مطابق دریافت کو مختلف عالمی سائنسدانوں نے بھی پرکھا ہے، اور انکی جانب سے تصدیق کے بعد ہی حکومت نے کامیابی کا دعویٰ کیا ہے۔ اب آخری مرحلے کے طور پر عالمی ادارہ صحت کو دوائی کی تفصیلات بتائی جائیں گی، ...