صدر ڈونلڈ ٹرمپ کی پالیسیوں کی وجہ سے امریکہ میں اسٹاک مارکیٹیں جزوی طور پر بلند ہوگئی ہیں۔ لیکن اگر وہ وائٹ ہاؤس میں دوسری مرتبہ انتخابات میں کامیابی حاصل کرنے میں ناکام رہے تو سٹاک مارکیٹ مندی کا شکار ہو سکتی ہے ۔
تجربہ کار سرمایہ کار مارک موبیئس نے بتایا کہ ٹرمپ نے سنہ 2017 میں اقتدار سنبھالنے کے بعد کارپوریٹ ٹیکس کی شرحوں کو کم کرنے جیسے متعدد اقدامات کیے ، جن کی وجہ سے بہت سارے افراد نے ٹرمپ کوبزنس نواز سمجھا ہے۔ سی این بی سی کو دیئے گئے ایک انٹرویو میں ، موبیئس نے ایس اینڈ پی 500 اور ڈاؤ جونز انڈسٹریل ایوریج کی نشاندہی کی جن کا حجم 2017 کے آغاز سے 30 فیصد سے زیادہ بڑھ چکا ہے ، نیس ڈیک کمپوزٹ کے کاروبارمیں تقریباً 45 فیصد اضافہ ہوا ہے۔ سرمایہ کار نے متنبہ کیا کہ اگر ٹرمپ اگلے سال کی صدارتی دوڑ میں ہار جاتے ہیں تو اسٹاک مارکیٹوں میں اس طرح کی امیدیں کو دم توڑسکتی ہیں۔