امریکی صدر ڈونلڈ ٹرمپ نے کورونا وائرس سے متعلق لاپروائی اور اسے کنٹرول کرنے کے سلسلے میں اپنی غفلت اور نااہلی کو چھپاتے ہوئے سارا الزام چین پر دھر دیا اور چین کو نتائج بھگتنے کی دھمکی دے دی ہے ۔ امریکی صدر ڈونلڈ ٹرمپ کا کہنا ہے کہ کورونا وائرس کا پھیلاؤ اگر غلطی تھی تو غلطی، غلطی ہوتی ہے اور اس سلسلے میں چين پرہی ذمہ داری عائد ہوتی ہے اور چین کو اس کے نتائج بھگتنے پڑیں گے۔ڈونلڈ ٹرمپ نے کہا ہے کہ 1917ء کے بعد ایسی حالت کبھی نہیں دیکھی تھی۔
ٹرمپ نے سوال کرتے ہوئے کہا کہ کیا یہ غلطی تھی جو کنٹرول سے باہر ہوگئی یا سوچی سمجھی سازش ہے ؟ دونوں باتوں میں بڑا فرق ہے
واضح رہے کہ امریکہ میں کورونا سے چوبیس گھنٹے کے دوران مزید 1891 افراد دم توڑ گئے،جس کے بعد امریکہ بھر میں کورونا سے ہونے والی اموات 39 ہزار سے بڑھ گئیں۔امریکی ریاست نیویارک میں سب سے بدترین صورتِ حال ہے، ریاست نیویارک میں ہی کورونا کے مریضوں کی تعداد 2 لاکھ 40 ہزار سے زائد اور اموات 17 ہزار سے زائد ہو چکی ہیں۔