کروناکے بعد ایک اور مرض بھی تباہی مچانے والا ، ڈبلیو ایچ او نے آگاہ کر دیا

کرونا کے بعد جلد ہی ایک اور مرض بھی تباہی مچانے والا ہے .عالمی ادارہ صحت (ڈبلیو ایچ او) کے سربراہ ڈاکٹرٹیڈروس نے خبردار کیا ہےنے خبردار کیا ہے کہ کورونا وائرس کے دوران افریقہ میں ملیریا سے دگنی اموات کا خدشہ ہے۔

تفصیلات کے مطابق ڈبلیو ایچ او کا کہنا ہے کہ رواں سال کیڑے مار ادویات کی فراہمی میں رکاوٹوں کی وجہ سے مچھروں کے کاٹنے سے ملیریا پھیل سکتا ہے۔اس سلسلے میں فوری اقدامات نہ کیے گئے تو براعظم افریقہ میں ملیریا سے پچھلے سال کی نسبت دگنی اموات واقع ہو سکتی ہیں۔

ڈبلیو ایچ او افریقہ کے ڈائریکٹر نے خدشہ ظاہر کیا ہے کہ رواں سال ‘سب صحارا’ افریقہ میں ملیریا سے ساڑھے 7 لاکھ سے زیادہ اموات ہو سکتی ہیں۔انہوں نے مزید کہا کہ یہ 2000 ء کے بعد ہونے والی سب سے زیادہ اموات ہوں گی۔

عالمی ادارۂ صحت کے سربراہ ٹیڈروس نے خبردار کیا ہے کہ اگرخسرہ اور پولیوکی ویکسین نہ لگائی گئیں تو یہ بیماریاں پھر سے سر اٹھا سکتی ہیں۔