ہفتہ, اکتوبر 24 Live
Shadow

سعودی زیرقیادت اتحاد نے یمن میں4 حوثی ڈرون کو تباہ کردیا

یمن میں حوثی باغیوں نے جمعہ کے روز کہا تھا کہ انہوں نے سعودی عرب میں واقع خمیس مشائط اور نجران کو ڈرونوں سے نشانہ بنایا۔

اس تحریک کے فوجی ترجمان یحییٰ ساریہ نے ٹویٹ کیا کہ حوثی فورسز کا مقصد نجران ہوائی اڈے پر ایک کنٹرول روم، کنگ خالد ایئر بیس میں اسلحہ خانے اور دیگر فوجی اہداف تھے۔ ترجمان نے مزید کہا کہ ڈرونز نے انتہائی درستگی کے ساتھ اپنے اہداف کو نشانہ بنایا۔

مغربی حمایت یافتہ سعودی زیرقیادت اتحاد نے جمعہ کے روز کہا تھا کہ اس نے سعودی عرب کی سمت میں اس گروپ کی طرف سے بھیجے گئے چار بارود سے بھرے ڈرونوں کو روکا اور تباہ کردیا۔ سعودی پریس ایجنسی نے بیان کے حوالے سے بتایا کہ ڈرونز کو یمن میں حوثیوں کے زیر انتظام علاقے پر روک لیا گیا تھا۔
سعودی اور متحدہ عرب امارات کی افواج پر مشتمل اتحاد نے ،سعودی عرب پر سرحد پار سے میزائل اور ڈرون حملے تیز کیے جانے کے بعد ، بدھ کے روز حوثیوں کے خلاف ایک نیا فوجی آپریشن شروع کرنے کا اعلان کیا۔

حوثی جنگجوؤں نے مئی کے آخر میں چھ ہفتوں کی جنگ بندی کی مدت ختم ہونے کے بعد, گزشتہ ہفتے پہلے حملے میں میزائل فائر کیے جو سعودی دارالحکومت ریاض پہنچ گئے تھے۔

دوست و احباب کو تجویز کریں

تبصرہ کریں