بدھ, اکتوبر 21 Live
Shadow

امریکی شہریوں کے یورپ آنے پر پابندی کی تیاریاں

یورپی یونین نے امریکہ میں مسلسل بے قابو ہوتی کورونا وبا کے پیشِ نظر امریکی شہریوں کے یورپ آنے پر پابندی کا مسودہ تیار کر لیا ہے۔ تاہم اس پابندی کے اطلاق کے حتمی فیصلے کا امکان یکم جولائی تک متوقع ہے۔

یورپی حکام کے مطابق امریکا کورونا وبا پر قابو پانے سے تا حال قاصر ہے جسکی وجہ سے امریکی شہریوں کے یورپ آنے پر پابندی عائد کی جا رہی ہے۔ یہ پابندی صرف امریکہ ہی نہیں بلکہ روس اور برازیل کے سیاحوں پر بھی عائد کی جاۓ گی۔

یہ بات دلچسپی سے خارج نہیں کہ مارچ میں یورپ کو کرونا وبا کے باعث امریکی صدرٹرمپ کی جانب سے اسی قسم کی پابندی کا سامنا کرنا پڑا تھا جب یورپ خود وبا کا مرکز تھا۔ اور اب صدر ٹرمپ کو جوابی اقدام کا سامنا ہے۔

اس وقت امریکہ 24 لاکھ 24 ہزار سے زائد کورونا کیسز کے ساتھ دنیا کے وبا سے متاثرہ ممالک میں سرِ فہرست ہے۔ جبکہ محتاط اندازے کے مطابق ایک لاکھ23 ہزار سے زائد امریکی کورونا کے سبب ہلاک ہو چکے ہیں۔

دوست و احباب کو تجویز کریں

تبصرہ کریں